منتدى الحياة الموصلية

منتدى الحياة الموصلية

منتدى ( ادبي - علمي - ثقافي - رياضي )


    وحدك ربك واتبع نبيك محمود

    شاطر
    avatar
    جاسم شلال
    مشرف مساعد
    مشرف مساعد

    عدد المساهمات : 392
    نقاط : 1143
    تاريخ التسجيل : 27/09/2010
    العمر : 50

    وحدك ربك واتبع نبيك محمود

    مُساهمة من طرف جاسم شلال في الخميس ديسمبر 22, 2011 11:13 am

    جاسم محمد حمود الحسو : ناحية ربيعة ـ قرية تل الهوى
    وحّد ربك واتبع نبيّ محمود صاحب لواء الحمد بيوم موعود
    صاحب لواء الحمد ولو شفاعة يشفع لكل مذنب قصّر بالطاعه
    كلها اتِّمنا لمن تقوم الساعه ونعم منّـو صاحب الحوض المورود
    ونعم منّـو ربّو أكرمو بالتاج أكثر صلاتك عليه لو ﮔـلبك لاج
    رببك بجاهو ينطيك ما تحتاج يغفر ذنبك ويفرج الهم الموجود
    تشوف الكرامة بعينك وبشي محسوس مبارك علينه بالربيع المولود
    مبارك علينه الساقي من في زمزم بكل الرسل ليلة مسراه تأمم
    علمو ذراع الشاة انو مسمم وسلم عليه حتى الحجر الجلمود
    سلم عليه الضب ونطق تأييد حقا انت النبي الطاعك سعيد
    ولما طاعك يشرب غداً في صديد معذب يبقى بجهنم دار الخلود
    معذب يبقى الما شهد بالرسالة لطه الذي بين كتوفو دلالة
    جاه الغزال وادالو الكغالة وبين ايديه البعير يأدي السجود
    بين ﭐديه ومن خلفو ربك حافظ رادو يغرونو بالمال وهو رافض
    اكرمو بقلب ولسان لافظ خلا بيدو الشريفة الحجار السود
    توجو عالخلائق بالسياده ذاك بيوم القيامة ويوم مشهود
    ذاك بيوم القيامة تشب النيران اﻨﮝﻮم ﭐندور للهادي بكل مكان
    ﻨﻠﮝﺎ عند الصراط وعند الميزان وعند الحوض لأمتو شامخ كالطود
    عند الحوض ويبدو يسقى الضامي تغمض عينو لكن قلبو ما نامي
    اعطى لنه علامة شرق الشامي ينزل علينه عيسى مورد الخدود
    ينزل علينه الخير انطعته الماحي اللي من ايدو ليمسك مسك فاحي
    ذكرو راحة ياخلق للأرواحي ينشرح الصدر يجب النور الممدود
    ينشرح الصدر يجب النبي المختار تحت العرش يسجد للرب الغفار
    ارفع راسك اطلب والتريدو صار انت نبي الارحمة والرب يجود
    انت نبي الرحمة وهادي الأُمة بيك تنجلي بأمر الباري الغمة
    نسأل الله يوم الخلق ملتمه يغفر لنه ويدخلنه جنتو المعبود
    يغفر لنه ما سوينه بدنيانه بيك الرجا والأمل يا مولانه
    جاسم يرجا فضل ربو واحسانه حين الجسم يصبح طعام للدود
    ﭐختم مديحي بالصلاة والسلام على راعي البراق وهادي الأنام
    نرجو بيها رحمة عليمٍ علام يستر علينه بجاه النبي المحمود


      الوقت/التاريخ الآن هو الثلاثاء فبراير 20, 2018 10:25 pm